裝修網誌 > > 【2021 清潔攻略】牆身發黃、白牆污漬等應如何清潔? 4 種牆面污漬清潔攻略
2021年09月03日

【2021 清潔攻略】牆身發黃、白牆污漬等應如何清潔? 4 種牆面污漬清潔攻略

人人家中也有牆,香港氣候潮濕,牆身容易發黃、發霉或出現污漬,有小朋友的家庭更會面臨牆壁遭小朋友畫花的風險,今日就等裝修學院為大家分享 4 種牆面污漬的清潔攻略吧!

牆面污漬

 一般牆身污漬

  •  灰塵和手印、腳印:一般牆面灰塵,用乾淨毛巾抹乾淨便可,如果係手印、腳印,可以用膠擦輕輕擦拭
  • 豉油:如果唔小心整到豉油,用1%濃度嘅雙氧水試抹,無問題就可以大面積使用。 如果係防水牆面,可以直接用水清洗,洗淨後為防止受潮用乾毛巾吸乾水。
  • 發霉:如果牆身發霉,但不太嚴重,可以嘗試用乾布擦拭清除表面霉菌,無效就可加入酒精擦拭。千萬唔好使用清水擦拭,因為霉菌最喜歡潮濕環境,增加牆身濕度只會令霉菌越生越多。對於較深入牆身霉菌,可以嘗用砂紙慢慢將霉菌磨走。

不常見牆身污漬

【2020 清潔妙法】牆身污漬、發黃、發霉點清潔?4 種污漬清潔攻略

  • 蠟筆:對於小朋友係牆面留低嘅蠟筆塗鴉,用乾淨抹布沾D面霜輕輕抹便可。面霜中含有乳化劑,具有好好嘅除蠟效果。

  • 貼紙:如果牆面有殘留貼紙搣唔落來,最好先用風筒吹熱,等膠布軟化再輕扯落來便可。

  • 雙面膠紙:如果黐咗雙面膠紙,首先用指甲油嘅去光水試擦。因為去光水可以令牆面原本顏色跟著脫落。呢個方法建議用係唔明顯嘅地方,如果係大面積、顯眼牆面唔建議使用。或者擰塊沾滿醋嘅乾布,覆蓋住成個雙面膠痕跡嘅地方,等到雙面膠嘅黏漬完全濕透後,就可以輕鬆去除。

長年或嚴重牆身污漬

【2020 清潔妙法】牆身污漬、發黃、發霉點清潔?4 種污漬清潔攻略

  • 如果係防水牆面,可以直接用水清洗,洗淨後為防止受潮用乾毛巾吸乾水。
  • 如果牆面污漬嚴重,可以用石膏沾在布上磨擦,或使用細砂紙輕擦,或係濕布上擠D牙膏,可擦走牆上鉛筆或蠟筆筆漬。
  • 如果牆面發霉嚴重,為徹底根除霉菌,必需去除一般清潔劑未能去除嘅霉菌根部。必需使用專業去霉根產品,譬如Polycell 防霉水,用上述提及方法去除表面霉菌後,再噴上產品後用乾布稍為擦拭,即可徹底深入去除牆身霉根,一年噴一至兩次,即可令霉菌不再生長。

牆紙污漬 【2020 清潔妙法】牆身污漬、發黃、發霉點清潔?4 種污漬清潔攻略

  • 如果牆紙發黃,可以係抹布上沾D漂白水擦洗,最好事先搵一處拭擦,無問題嘅話可繼續。
  • 紙質或布藝牆紙有了污漬唔能夠用水或濕抹布,最好用膠擦擦除。
  • 彩色牆紙染上油漬,可以用滑石粉墊上張吸水紙,然後用熨斗熨燙下即可; 對於塑膠牆紙,噴灑小小清潔劑,用抹布擦淨即可。
  • 牆紙發霉可先用乾布擦下牆面,再用稀釋嘅牆紙清潔劑來抹有霉菌嘅牆面。