很多人住所塞渠都會上網找「渠王」，不過前TVB新聞主播柳俊江近日遇上「中伏」經歷，指「渠王」上門處理廚房塞渠時，報價越來越高，短短半小時由750元升至7,500元，師傅更著他即場還價。其實輕微的家居塞渠可以DIY處理，有專家就分享兩大通渠方法。
柳俊江本周二（3日）在Facebook專頁發文，表示家中廚房渠喉倒塞，洗衣機水倒流，導致遍地都是水，他便在網上找「渠王」上門檢查，
「渠王初體驗，佢拖2個喼上嚟，用部機震幾下，話唔得，要升級，再攞條wire通落去，話通咗2米都唔得，要再升級，今次要喺個百寶喼攞2部機出嚟搞。」
如是者經過半小時，他稱「渠王」報價由750元升至1,500元再升到7,500元，直言「我覺得伏伏哋」，便婉拒對方通渠服務，
「（我）話都係唔使喇，我諗其他辦法，然後佢叫我還價，但係我真心唔覺得件事好妥，就畀咗$1,500打圓場。我唔係話佢唔啱，只係我直覺件事有啲伏，有啲似炒緊必理痛咁。敢問各位，通渠係咪就係咁嘅呢？」
網民：出名嘅呃錢手法
不少網民看到帖文後，指該為不少通渠師傅的騙錢手法，並分享自己的「中伏」經歷，著他不要在網上隨便找師傅。另有網民表示可嘗試用普通哥士的和「通渠神器」自行通渠。
↓ 點 擊 圖 片 放 大 ↓
廚房浴室淤塞有別
資深驗樓師詹濟南（詹sir）早前接受《晴報》訪問時表示，廚房鋅盆去水淤塞多因豬油、魚油等動物脂肪引致，可用熱水溶解油脂通渠；至於浴室地台淤塞大多由頭髮、毛巾纖維等積聚造成，倒入梳打粉和熱水並無用。
兩大通渠方法拆解
網上裝修平台「裝修佬」負責人鄧世民（Simon）曾接受《晴報》訪問，表示如有頭髮等不易溶解的物體積聚在U型喉管內，便有機會塞喉。至於家居通渠方式一般分為兩種，分別是化學式和物理式通渠，
Simon指：「睇邊樣方便，冇話邊樣好啲，因為太勁嘅化學可『乸穿』（腐蝕）喉，太勁嘅物理氣壓也可以打爆喉，最好雙管齊下，例如用通渠水要加泵！」
要預防浴室和鋅盆塞渠，詹sir指最重要是避免讓異物流入喉管，應揀選洞孔密度較高的去水隔，而在超市用作包裝生果的尼龍網，也是一個慳錢實用的「去水隔」。他建議每次用完鋅盆排水，再倒入大量水流入管內，減少淤塞物沉澱機會。
