香港網購衣服已經不再是一件罕見的事，甚至有越來越多的貨品都可透過網購平台選購。但網購比一般的購物模式存在更大的風險，所以選擇一個好的平台對網購十分重要，今天就讓消委會及裝修學院教你如何揀選有保證的網購平台。
而家網上購物咁方便，如果想要既話真係連部直升機都可以坐喺屋企買到！包括小編自己在內，而家日常用品大多數都喺選擇網購，貪佢夠快又唔使自己出街買！但網上購物始終接觸唔到實物，有時候貨物送到既時候難免有落差，加上送貨退貨亦存在唔少風險。呢個時候選擇一間有保證既網購平台就非常重要喇！
消委會近日挑選左九間香港比較多人用既網購平台進行網購實測，比較唔同平台喺購買，送貨以及退貨上既方便程度。當中包括：Amazon,Asos,Big Big Shop, Gmarket, HKTVmall,PChome,樂天Rakuten,淘寶／天貓及Zalora等。
每個平台都有自己既營運模式，例如ASOS及Zalora等便屬於採購商，將從其他地方買到既貨物轉賣比顧客。賣家屬於平台本身，假若出現問題，就可以直接聯絡平台處理。而Amazon，淘寶，Gmarket，PChome及Rakuten等就屬於中介平台，允許不同賣家喺平台上售賣貨品。呢啲平台只能協助買賣雙方聯絡，最終解決問題仍然要靠雙方自己傾掂數。而Big Big Shop同HKTVmall就屬於兩種結合，因此有問題既時候亦要視乎貨品究竟喺平台發售定係代售而搵番真正既賣家處理。
有時網購花時間最耐既唔喺選擇貨物，而係有問題時處理既時間！以下喺不同平台遇到問題時候既查詢方法！
Amazon,Asos,Gmarket,PChome,Zalora:
直接與客戶服務部聯絡
Big Big Shop,HKTVmall,Rakuten:
以貨品資料頁面或確認電郵列出的方式與供應商聯絡
淘寶／天貓：
平台預設渠道及頁面輸入資料
以消費者角度而言，購物平台若然可以代表所有在其平台出售貨品既商戶對消費者進行回應，則比較方便。若果需要親自聯絡供應商，所花費既時間就比較多，而且仲要冒上電郵或訊息被無視而無法退貨既風險！
雖然網購一般比實體店價錢較低，款式亦比較多，但每次計算運費既時候都會令小編十分頭痕！作為一個負責任既網購平台，喺計算運費既時候必須以簡單及具透明度既方法儘早告知消費者該次購物連運費既費用。以下為大家簡單描述下唔同平台喺運費計算時候既分別！
Big Big Shop, HKTVmall:
主要服務對象以本港居民為主，因此就算用戶選擇貨品之後仍未輸入送貨地址，運費已經顯示在購物車上。但留意呢兩個平台有兩種送貨方式：「由購物平台派送」以及「由供貨商直送」，即使喺同一張訂單亦有可能以不同方式派送而分開計算運費。
PChome,Asos,Gmarket,淘寶／天貓:
選定貨品後選擇地區，便會顯示運費
Amazon,Zalora:
用戶輸入付款資料差不多完成購買程序時，網頁才會顯示運費。
Rakuten:
用戶輸入地址、付款資料、確認貨品並完成訂單後，仍未顯示運費。買家需要喺一至兩個工作天後以電郵確認運送方式及運費，供應商先會送出貨品。假設選購咗10件來自不同供應商的貨品，用戶便需要回覆10封確認電郵以及支付十次運費，對海外消費者十分唔方便。
網購既然同我地既生活已經變得咁息息相關，作為一個精明既消費者，當然要知多啲先唔怕比人搵笨！喺下集小編將會同大家分享網購退貨時會出現既問題，記得留意我地既裝修專欄呀～
小編訪問左幾位防伏班既同學，發現大部分網購平台同學們都有使用過！有同學表示如要取消訂單，HKTVmall客戶服務部唔算麻煩但未必次次肯幫你做，有時可能都係要自己聯絡供應商進行退貨！而對淘寶/天貓就覺得運費比較平，比較多人選擇。
希望大家睇完呢篇文之後，對不同網購平台有更多認識啦！
