買電器有分買行貨水貨，由小至耳機風筒大至電視都有，尤其日本電器水貨非常受香港人喜愛。水貨種類款式多屬原裝，價錢也相對便宜，缺點當然是保養麻煩，可能要另外找電器醫生維修。我們應該如何選擇和分辨水貨行貨？裝修學院本次以英國品牌Dyson產品為例分別水貨行貨的優缺點。
講起Dyson產品，多數會透過外國網站（例如Amazon.com）進行網購，或在香港買水貨：只因為水貨售價通常較行貨平幾百至一千多元。水貨、行貨實質分別不大，但在保養、電壓、配件等各方面，水貨可能會為用家帶來煩惱（通常係插蘇頭），以下有水貨／行貨嘅分別：
行貨：免費送貨，有保證，消費者安心
水貨：有機會寄失，寄件途中有機會損壞無論係Amazon、ebay或者其他網站買水貨，產品响運送過程中，都有機會因包裝不當而受損，亦有寄失嘅風險。買本地行貨就唔會有此問題。
行貨：官方保養
水貨：要寄回原產地維修，一定有額外郵費本地買水貨的話，其實接近無保養，最多有商戶提供嘅7日有壞包換。萬一有事，基本上要將產品寄回原廠，運費自己比，再考慮來回寄兩次，肯定花唔少時間。另一個選擇係非官方維修服務，唔理服務質量，收費通常不低。如果買行貨，一般有2年保養，亦有售後服務，所以貴幾百蚊其實值得。
行貨：香港標準，無煩惱
水貨：不同國家有不同標準，幾乎肯定要變壓火牛或轉插
出售水貨嘅店舖會標明產品係英版、美版、日版等，主要原因係有不同電壓/插頭制式標準。香港電壓為220V，用三腳插頭，同英國制式相同，所以英國電器可以直接在香港使用；至於美國、日本就分別用110V、100V電壓，插頭亦唔一樣，所以要轉插，甚至需配搭變壓火牛，不然就會有機會整壞電器。
早幾年買Dyson吸塵機為例，行貨、水貨嘅差價著實有一段距離，不過近年這個「差價」正逐步收窄，而且大型家電店不時會推出優惠，其實行貨嘅優勢已經不用懷疑。
