香港現在有些單位也是「黑廁」不能安裝抽氣扇，因此大家會安裝浴室寶代替。浴室寶功能多，最重要它能乾衣，panasonic及kdk浴室寶更是大家所追捧的品牌。你知道原來浴室寶也有分天花式、窗口式和掛牆式嗎？今日裝修學院教你3款的分別和比較。
天花式浴室寶主要吊裝喺浴室頂部，或者裝喺假天花。兩種裝法都需要另行接駁風管到窗外。天花式浴室寶製造嘅氣流效果會更均勻，觀感上亦更為得體。
同樣要接駁風管，不過掛牆式浴室寶會安裝喺牆身（無窗口嘅浴室）。想保留裝抽氣扇嘅用戶可以選擇掛牆式。但因為風管外露，有啲肉酸，想美觀啲？可以考慮換上俗稱「靚仔喉」嘅風管。
窗口式浴室寶最常見嘅款式，優點是慳位、更換方便，只需約8吋闊嘅空間就可以裝，一般能直接取代抽氣扇位置。但，因為體積大小不一，購買前一定要先度好位，以免買錯（太大或太小）。窗口式浴室寶不用額外接駁風管。
| 天花式 | 掛牆式 | 窗口式 | |
| 安裝位置 | 吊裝/假天花 | 牆身／窗口 | 抽氣扇位 |
| 接駁風管 | 要 | 要／不要 | 不要 |
| 尺寸 | 較大 | 較小 | 較小 |
| 抽氣力 | 強 | 中 | 中 |
| 款式 | 少 | 少 | 多 |
| 售價 | 較貴 | 較平 | 較貴 |
想了解有關電器的資訊，請瀏覽裝修網誌：
已經有心水款式的浴室寶？快去裝修Mall選購啦！
